MUHABBAT KO MUHABBAT KA ZARA EHSAAS HONE DO

MUHABBAT KO MUHABBAT KA ZARA EHSAAS HONE DO
ABHI KUCH DAIR TEHRO HUSSUN KO BENAQQAB HONE DO

BEWAJHA DIL KO YOUN ROKA NAHI KERTY
ITNE MUHTAT HO KIUYN ZARA MUSAM KHARAB HONE DO

ISHARON MN KAHI BATAIN AKSAR NA MUKAMMAL HOTI HN
RUKKO, MERE AKO ZARA KITAB HONE DO

ZINDAGI KO DO RAHY PE LA K CHODTY HO KIYUON
KUCH KAHO YA APNI BEWAFAYI KA HISSAB HONE DO

AJAB NAHI K LOG TUJHE BEWAFA JANNE
PHIR KIYOUN NA AAJ PORA MAHTAB HONE DO

YEH RAAT ANDHEERI SAHI PER THANDI TU HOTI HY
ROSHKI HAQEEQAT KIA ZARA CHANDA KO AFTAAB HONE DO

NISAR DURRANI FORM LONGLIVE PAKISTAN

?MUHABBAT?

?MUHABBAT?
Main Muhabat hoon mujhe pyar ker k dekh,
Main muhabat na doon to kehna.
Main muskurahat hoon mujhe hans ker dekh, main na sajoun tere honto per to kehna.
Main khushbu hoon mujhe mehsus ker k dekh, na mehkun teri zindagi main to kehna.
Main zindagi hoon mujhe apna ker k dekh, na bano tera to kehna.
Main chahat hoon mujhe seene se laga kar dekh,
Na lagun seene se to kehna.
Main dil houn mujhe sun k dekh, na dhadkun tere dil main to kehna.
Main raah hoon,mujh per chal ker deakh na teri rah per chalun to kehna.
Main shama hoon mere pass aaker to deakh na roshni doon to kehna.
Main kali hoon mujhy cho ker deakh na phoul doun to kehna.
Main phool houn mujhy honto se laga ker dekh na mehka doon din raat to kehna,
MEIN MUHABAT HOON?!

Tum kaisi mohabbat karti ho

main aisi mohabbat karta hoon
tum kaisi mohabbat karti ho
tum jahan peh bayth k jati ho
main waheen pe betha rehta hoon
us cheez ko choota rehta hoon
main aisi mohabbt karta hoon
tum jis se huns k milti ho
main us ko dost banata hoon
tum jis rustay par chalti ho
main us say aata jata hoon
main aisi mohabbat karta hoon
tum kaisi mohabbat karti ho
tum jin ko daykhti rehti ho
wo khuwab?.sarhanay rakhta hoon
tum say milnay julnay k
kitnay hi bahanay rakhta hoon
main aisi mohabbat karta hoon
tum kaisi mohabbat karti ho
tum jahan bhi bayth k jati ho
jis cheez ko hath lagati ho
main waheen peh baytha rehta hoon
us jaga ko choota rehta hoon
main aisi mohabbat karta hoon
tum kaisi mohabbat karti ho
kuch khuwab saja kar aankhoon main
palkon say moti chunta hoon
koi lums agar choo jaa a to
main pehroon us ko sochta hoon
main?aisi mohabbat karta hoon
tum kaisi mohabbat karti ho
jin logon main tum rehti ho
tum jin say batain karti ho
tum jin say huns k milti ho
jo tum ko achay lagtay hoon
wohi mujh ko achy lagtay hain
main aisi mohabbat karta hoon
tum kaisi mohabbat karti ho
jis bagh main subh ko jati ho
jis sabzay par tum chalti ho
jo shakh tumhain choo jati hay
jo khushboo?tum ko bhati hay
wo os tumharay chehray par
jo qatra qatra girti hai
wo titli chor k phoolon ko
jo tum say milnay aati hai
jo tum ko choonay aati hay
un sab k nazuk jazbon main
meray dil ki dharkan basti hai
miri rooh bhi shamil rehti hai
tum paas raho ya door raho
nazron main samai rehti ho
main tum ko takta rehta hoon
main tum ko sochta rehta hoon
main aisi mohabbat karta hoon
tum kaisi mohabbat karti ho
her moqay par her manzar main
main sath tumharay rehta hoon
main chashm-e-tasavvur main aksar
bus tum ko dekhta rehta hoon
bus tum ko sochta rehta hoon
main aisi mohabbat karta hoon
tum kaisi mohabbat karti ho

juda hone ka andesha’ juda hone se pehle tha

best poet
juda hone ka andesha’ juda hone se pehle tha
wo mujh se intehai khush’ khafa hone se pehle tha
junoon ka doar guzra to mujhe b bhool betha wo
namaz-e-ishq tha lekin qaza hone se pehle tha
main kese soch sakta tha mujhy wo chor jayega
bohat hi ba’wafa wo bewafa hone se pehle tha…

agar woh pyar kar leta

agar woh pyar kar leta
mera daman pakar leta
toa jeewan mein faqat us se
mohabbat farz ho jati
mohabbat qarz ho jati
magar achha kiya us ne
mujhay samjha k chal nikla
mujhay thukra k chal nikla
bohat nadan sa hai woh
abhi anjan sa hai woh
kahan maloom hai us ko
mohabbat zindagi mein bas
faqat ek baar milti hai
agar thukra k chal niklein
toa umrein beet jati hain
mohabbat ki tamana mein
magar har ek rastay pe
sirf ruswayi milti hai
faqat tanhayi milti hai

har kisi ko dunya me shohraten nahi milten

har kisi ko dunya me shohraten nahi milten
zindagi k lamhon ki qeematen nahi milten
fatah ki khuwahish me amal b to lazim ahin
sirf kuch iradon se musarraten nahi milten
fesley ye chahat k aasman per hote hain
do dilon k milne se qismaten nahi milten
deen or dunya ko sath rakhna parta h
masjidon me rehne se jannaten nahi milten
maan lo is zamane me or b hain hum jese
k hasb-e-aarzu jinko chahten nahi milten....!!!!

muje aansuon ki talab nahi

muje aansuon ki talab nahi
muje zindagi ki talash h
jise dhoond kar b na paa saka
muje phir usi ki talash h
muje dushmano me dhoondna
muje doston me talash kar
me mohabbaton ka aseer hun
muje dosti ki talash h
meri raah-e-azme talash me
koi zindagi ka rafeeq ho
koi aansuon ka charagh de
muje roshni ki talash h
me bulandiyon ka zameer hun
me rafaqaton ka pazeer hun
muje nafraton ki zameen per
mohabbaton ki talash h.....!!!!!!!!!

Yuun'hii fasiloN ko sajaa'ye rakh ye'hii intazaar rehne' de

یونہی فاصلوں کو سجائے رکھ یہی انتظار رہنے دے
میرے ذہن و دل کے سکون پر میرا اختیار رہنے دے

تیری چاہتوں کے جو درد ہیں مجھے سب خوشی سے قبول ہیں
میری چشم نم کا گماں نہ کر مجھے اشکبار رہنے دے

تیری بے بسی بھی بجا سہی میری خواہشیں بھی غلط سہی
تجھے ہر قدم پہ خوشی ملے مجھے سوگوار رہنے دے

میری گفتگو میں جو درد ہے یہی درد میرا نصیب ہے
میں بھلا چکا ہوں قرار کو مجھے بےقرار رہنے دے

میرے دل کی آتش کرب کو میری روح کے جلتے فشار کو
کئی بار تو نے بجھا دیا مگر اب کی بار رہنے دے

********************************

Yuun'hii fasiloN ko sajaa'ye rakh ye'hii intazaar rehne' de
Merey zehn-o-dil ke sakooN par mera ikhtiyaar rehne' de

Terii chaahatoN ke jo dard haiN mujhe' sab khushii se Qabool haiN
Merii chashm-e-nam ka gumaaN na kar mujhe' ashkbaar rehne' de

Terii be'basii bhi baja sahii merii khwaahisheiN bhi ghalat nahiiN
Tujhe' har Qadam pe khushii mile' mujhe' sogawaar rehne' de

Merii guftagoo meiN jo dard hai yehii dard mera naseeb hai
MaiN bhula chuka hooN Qaraar ko mujhe' be'Qaraar rehne' de

Mere' dil ki aatish-e-karb ko merii rooh ke jalte' fishaar ko
Kaii baar tu ne bhujha diya magar ab ki baar rehne' de

Mohabbat

Mohabbat muqaddar hai ek khuwab nahi..., ye wo rishta hai jis mai sub kamyab hai nahi, jinhe sath mila unhe ungliyon par gin lo jinhe milli judayi unka koi hisaab nahi..., From Nisar

Tumhari mast nazar agar idhar nahi hoti – Sahir Ludhianvi

Tumhari mast nazar agar idhar nahi hoti
nashe mein choor fiza is kadar nahi hoti
tumhin ko dekhane ke dil mein aarazuen hain
tamhare aage hi aur unchi nazar nahi hoti
khafa na hona agar bad ke tham lun daman
ye dil fareb khata jan kar nahi hoti
tumhare aane talak hum ko hosh rehta hai
phir usake bad hamen kuch khabar nahi hoti
Poet of the Poem / Ghazal or Nazam : Sahir Ludhianvi

Wo khwab tha bikhar gaya khayal tha mila nahi – Iftikhar Imam Siddiqui

Wo khwab tha bikhar gaya khayal tha mila nahi
magar ae dil ko kya hua kyon bujh gaya pata nahi
har ek din udas din tamam shab udasiyan
kisi se kya bichad gaye ki jaise kuch bacha nahi
wo sath tha to manzilen nazar nazar chirag thin
qadam qadam safar mein ab koi bhi lab dua nahi
hum apne is mizaj mein kaheen bhi ghar na ho sake
kisi se hum mile nahi kisi se dil mila nahi
hai shor-sa taraf taraf ki sarhadon ke jang mein
zamin pe aadmi nahi falak pe kya khuda nahi
Poet of the Poem / Ghazal or Nazam : Iftikhar Imam Siddiqui

Yun hi besabab na phira karo, koi sham ghar bhi raha karo – Bashir Badr

Yun hi besabab na phira karo, koi sham ghar bhi raha karo
wo gazal ke sachi kitab hai, use chupke chupke pada karo
koi hath bhi na milayega, jo gale miloge tapak se
ye naye mizaj ka shahar hai, zara fasale se mila karo
abhi reh mein kai mod hain, koi aayega koi jayega
tumhen jisne dil se bhula diya use bhulane ke dua karo
mujhe ishtahar si lagti hain, ye mohabbaton ke kahaniyan
jo kaha nahi wo suna karo, jo suna nahi wo kaha karo
kabhi husn-e-pardanashin bhi ho zara aashiqana libas mein
jo main ban-sanvar ke kaheen chalun, mere sath tum bhi chala karo
ye khiza ke zard-si sham men, jo udas ped ke pas hai
ye tumhare ghar ke bahar hai, ise aansuon se hara karo
nahi behijab wo chand sa ki nazar ka koi asar nahi
use tani garmi-e-shauq se badi der tak na taka karo

Poet of the Poem / Ghazal or Nazam : Bashir Badr

Yahi bahut hai ke dil us ko dhund laya hai – Amjad Islam Amjad

Yahi bahut hai ke dil us ko dhund laya hai
kisi ke sath sahi wo nazar to aaya hai
karun shikayaten takata rahun ke pyar karun
gaye bahar ke surat wo laut aaya hai
wo samane tha magar ye yaqin na aata tha
wo aap hai ke meri khvahishon ka saya hai
azab hup ke kaise hain barishen kya hain
fasil-e-jism giri jab to hosh aaya hai
main kya karunga agar wo na mil saka ‘amjad’
abhi abhi mere dil mein khayal aaya hai
Poet of the Poem / Ghazal or Nazam : Amjad Islam Amjad

Ye tera ghar ye mera ghar kisi ko dekhana ho agar – Javed Akhtar

Ye tera ghar ye mera ghar kisi ko dekhana ho agar
to pahale aake mang meri nazar teri nazar
ye ghar bahut hasin hai
na badalon ke chanv mein na chandani ke ganv mein
na phul jaise raste bane hainis ke vaste
magar ye ghar ajeeb hai zamin ke qaribhai
ye int pattharon ka ghar hamari hasaraton ka ghar
jo chandani nahi to kya ye roshani hai pyar ke
dilon ke phul khil gaye to fikr kya bahar ke
hamare ghar na aayegi kabhi khushi udhar ke
hamari rahaton ka ghar hamari chahaton ka ghar
yahan mahak vafaon ke hai qah-qahon ka arang hai
ye ghar tumhara khwab hai ye ghar meri umang hai
na aarzoo pe qaid hai na hausale par jang hai
hamare hausale ka ghar hamari himmaton ka ghar
Poet of the Poem / Ghazal or Nazam : Javed Akhtar

Ye mojaza bhi muhabbat kabhi dikhaye mujhe – Qateel Shifai

Ye mojaza bhi muhabbat kabhi dikhaye mujhe
ki sang tujhape gire aur zakhm aaye mujhe
wo maharaban hai top iqarar q nahi karta
wo badaguman hai to sau bar aazamaye mujhe
main apne panv tale raundata hun saye ko
badan mera hi sahi dopahar na bhaye mujhe
main ghar se teri tamanna pahan ke jab nikalun
barahana shahar mein koi nazar na aaye mujhe
wo mera dost hai sare jahan ko hai malum
daga kare wo kisi se to sharm aaye mujhe
main apni zat mein nilam ho raha hun ‘qateel’
gam-e-hayat se kah do kharid laye mujhe

Poet of the Poem / Ghazal or Nazam : Qateel Shifai

Tune dekha hai kabhi ek nazar sham ke bad – Farhat Abbas Shah

Tune dekha hai kabhi ek nazar sham ke bad
kitne chup-chap se lagate hain shajar sham ke bad
itane chup-chap ke raste bhi rahenge la-ilm
chod jayenge kissi roz nagar sham ke bad
main ne aisee hi gunah teri judai mein kiye
jaise tufan mein koi chod de ghar sham ke bad
sham se pahale wo mast apni udanon mein raha
jis ke hathon mein the tute hue par sham ke bad
raat biti to gine aable aur phir socha
kon tha bais-e-agaz-e-safar sham ke bad
tu hai suraj tujhe malum kahan raat ka dukh
tu kisi roz mere ghar mein utar sham ke bad
laut aaye na kissi roz wo aawara majaz
khol rakhte hain isi aas pe dar sham ke bad
Poet of the Poem / Ghazal or Nazam : Farhat Abbas Shah

Wo diya jis se mere qalb-o-nazar raushan the – Shehzad Ahmed

Wo diya jis se mere qalb-o-nazar raushan the
main ne jab hath lagaya to jale hath mere
ghar ke takhti koi padhata hi nahi kya kije
koi ho jo ki mujhe shahar mein rusava kar de
mujhe ye dukh ki ye lazzat teri qismat mein nahi
aur tu khush ki kisi sanp ne kata na tujhe
teri qismat teri hathon ke lakiron mein nahi
dhundh kar la wo sitara ki jabin par chamake
dekhane kuch na diya dasht ke aage kya hai
ban gaye reh ke divar musafir kitne
vadi-e-marg hai ye shahar jo din ko khush tha
aap shab-khun ke tamanna mein kahan aa pahunche
mere hathon se ruka sail-e-hava ka rela
sang hun ya ki main aahan hun mujhe sochane de
Poet of the Poem / Ghazal or Nazam : Shehzad Ahmed

Ye jo divane se do char nazar aate hain – Sagar Siddiqui

Ye jo divane se do char nazar aate hain
in mein kuch sahib-e-asrar nazar aate hain
teri mahafil ka bharam rakahate hain so jat ehain
warna ye log to bedar nazar aate hain
dur tak koi sitara hai na koi jugnu
marg-e-ummid ke aasar nazar aate hain
mere daman mein shararon ke siva kuch bhi nahi
aap phoolon ke kharidar nazar aate hain
kal jise chu nahi sakati thi farishton ke nazar
aj wo raunaq-e-bazar nazar aate hain
hashr mein kon gavahi meri dega ‘sagar’
sab tumhare hi tarafdar nazar aate hain

Poet of the Poem / Ghazal or Nazam : Sagar Siddiqui

Ye jo hum hijr mein divar-o-dar ko dekhte hain – Mirza Ghalib

Ye jo hum hijr mein divar-o-dar ko dekhte hain
kabhi saba ko kabhi namabar ko dekhte hain
wo aaye ghar mein hamare khuda ke kudarat hai
kabhi hum un ko kabhi apne ghar ko dekhte hain
nazar lage na kaheen usake dast-o-bazu ko
ye log kyon mere zakhm-e-jigar ko dekhte hain
tere javahir-e-tarf-e-kulah ko kya dekhen
hum auj-e-tala-e-lal-o-guhar ko dekhte hain

Poet of the Poem / Ghazal or Nazam : Mirza Ghalib

mujhe chor de meri Khal par