Ye mojaza bhi muhabbat kabhi dikhaye mujhe – Qateel Shifai

Ye mojaza bhi muhabbat kabhi dikhaye mujhe
ki sang tujhape gire aur zakhm aaye mujhe
wo maharaban hai top iqarar q nahi karta
wo badaguman hai to sau bar aazamaye mujhe
main apne panv tale raundata hun saye ko
badan mera hi sahi dopahar na bhaye mujhe
main ghar se teri tamanna pahan ke jab nikalun
barahana shahar mein koi nazar na aaye mujhe
wo mera dost hai sare jahan ko hai malum
daga kare wo kisi se to sharm aaye mujhe
main apni zat mein nilam ho raha hun ‘qateel’
gam-e-hayat se kah do kharid laye mujhe

Poet of the Poem / Ghazal or Nazam : Qateel Shifai