URDU GHAZAL TASAVVAR-E-SHOQ

Tumharay dil mai ghar hai mera.

Is kay andar mai rehti hoon..

Tassavar-e-shoq mai hun..

Ek lamhay k liye aao..

Dil pay haath rakh jao..

Apne andar jhaank kar apny dil ko tatol lia karo..

Khuda banay bethy ho na..

Tau har baat poochtay kyun ho..

Mai tumharay dil mai bassti hoon, k apnay dil se pooch lia karo..

Tum wo pathar k jis ko aag bhi na jala paye..

mai wo qatra jo lamha lamha tapaq kar soorakh kar jaye..

Maidan-e-jang mai jo shamma jalaye phirtay hen..

Tum uss shamma ka dehatka hua angaara ho..

Kabi sholay barsaatay ho tu kabi thakk kar bujh jaaty ho..

Mai wo koila jo tumaray andar reh kar tumaray sab rang mehsoos karta ho..

Tum chaandni raat mai kisi jungle k kinaaray khilta hua wo phool ho

Jo chup kar khushboo bikhairta ho..

Aur mai wo tittlee jo tumaray andar reh kar har rang mehsoos karti ho..

Tum toofan say pehlay qayem hoti hui chup chap khamoshi ho..

Wo khamoshi Jo raaat ki tareeki mai gehri sochain sochti ho..

Toofan k khof se bhagdarr mich jati ho..

Khaali khaali sa samandar ho, Kaali seyaah ghatta chaa jati ho..

Aur mai wo bay-naam si kashti jo tumaray andar reh kar tabahi kabool karti ho..

Tum sooraj se nikalti hui wo pehli Kiran jo bilkul khaalis ho..

Tumara ujlaa ujlaa sawaira meri rooh mai jhankta ho..

Tum wo sakht gehri tappish jo pathar ko motti banata ho..

Aur mai wo aam sa phool jo tumaray dekhnay se khill jata ho..

Tum aasmaan pay siyaah kaalay badalon ka saaya ho..

Jo dard sambhalay chupke chupke phirtay hon..

Aur mai wo zameen ka tukkra jo tumara har qatra jazb karti ho..

Tumara barasta hua dard, tumari bheegi palkon ki baarish say apne zakham bharti ho..

Tum ek qeemti raaz.. tum ek sachaa gulaab

Tum ek nanhay sy bachay ki bay-qaboo si hansi ho..

Tum chodhaween k chand ki roshni ho..tum tanha udaas raat ki madhoshi ho..

Ek baar aa kar meri raah mai basayra kar lo..

K mery shab-o-roz baray kaantay daar hen..

Muje bachanay ka tahayya kar lo..

Waqt ki iss qaid ny jaal bichaa dalay hen..

Ek lamhay k liye aao, dil pay haath rakh jao..

K Tanhai yahan baal bikhairay so rai hai..

Ek lamhay k liye aao..Dil ko behlaa jao..

K jismoo ki qaid nay pinjray bichaa dalay hen..

Ek lamhay ko aao, rooh sy rooh ka rishta bana jao..

K yahan khanjaron sy khoon tapak raha hai..

Ek lamhy k liye aao, dil pay marham rakh jao..

K tumaray badlay hue Taiwarr muje sheeshy ki tarah khubbtay hen..

Ek lamhy k liye aao, dil ka aayena jor jao..

K tumari yaaden wo moti hen jo meny ek ek kar k piroye hen..

Ek lamhy ko aao, Ye aansoo bhari maala hi dekh jao..

K sheeshy ki kirchion sy tap tap khoon tapakta hai..

Ek lamhy k liye aao, dil pay haath rakh jao..

K mai tappti rait par, nangay paon..Seharaaon mai bhatak rai hoon..

Ek lamhay k liye aao..Apnay-pan ki baarish barsaa jao..

Tasavvar-e-shoq mai hoon JAANA..

Ek lamhy k liye aao.. Chahy barbaad kar jao..

THE END.