Bicharrney Waaley!! Tujhey Khabar Hai?

Bicharrney Waaley!!
Tujhey Khabar Hai?
Ke Terey Jaaney Say Maira Jeewan
Hazaar Khanon Mein Batt Gaya Hai ...

Tujhey Khabar Hai Bicharrney Waalay!!
Ke Mairi Khushiyan Hi Kho Gayi Hain
Main Kitna Tanha Sa Ho Gaya Hoon
Wajood Maira To Iss Safar Mein
Ye Daikh Zakhmon Say Att Gaya Hai ...

Main Sochta HooN !
Magar Ye Sochein
Kyun Aik Nuqtay Pay Jam Gayi Hain
Mujhey Ye Mehsoos Ho Raha Hai
Ke Jaisey Saansein Hi Tham Gayi Hain ..

Mujhey Bata Dey Bicharrney Waaley!
Ke Khud Ko Kaisey Sambhalna Hai
Hijar Ke Rastoon Pay Chaltey Chaltey
Ye Mairey Paon Lahoo mein Tar Hain
Yaqeen Kar Lay Main Thak Gaya Hoon

Bicharrney Waaley !!
Tujhey Khabar Hai
Main Kab Ka Khud Say Bicharr Chuka Hoon ...!!!